Khawab..

Ab mujh say in aankhon ki hifazat nahi hoti,
Ab mujh say teray khwab sambhaalay nahi jaatay..

Mumkin hai chashm-e-nam ko sitara na ker sako

Mumkin hai chashm-e-nam ko sitara na ker sako..
Mumkin hai tum bhi koi ishara na ker sako…

Mumkin hhai meray bghair bhi bita lo ye zindagi..
Mumkin hai apnay sath bhi guzara na ker sako…

Mumkin hai zeher day k at’ta ker do Zindage..
Mumkin hai ye karam bhi dobara na ker sako…

Mumkin hai mera hukum bhi tum ko qabool ho..
Mumkin hai iltaja bhi gawara na ker sako…

Mumkin hai doo qadam pay badal jao rasta..
Mumkin hai umer bhar bhi kinara na ker sako

Badan Se Othti Thi Us K Kushbo

Badan Se Othti Thi Us K Kushbo, Saba K Lehjay Mein Bolta Tha..
Yeh Meri Aankhein Thin Us Ka Bistar, Woh Meray Khuwabon Mein Jagta Tha..

Koi Tha Chashm-E-Karam Ka Talib, Kisi Pe Shaoq-E-Visaal Ghalib..
Sawal Phelay Thay Chaar Janib, Bas Aik Main Tha Jo Chup Khara Tha..

Ajeeb Sohbat, Ajeeb Ruut Thi, Khamosh Bethay Hoye Thay Dono...
Main Us Ki Awaz Sun Raha Tha, Woh Meri Awaz Sun Raha Tha...

Hayya Se Aankhein Jhuki Hoi Thin, Hawa Ki Sansein Ruki Hoi Thin..
Woh Meray Seenay Mein Sar Chuupaye, Na-Janea Kaya Baat Sochta Tha..


Bahaar Aai To Titlion K Paron Mein Rango'n Ne Rang Bandha..
Aur Aik Bhanwra Kali Kali K Labon Ko Reh Reh K Choomta Tha..

Woh Aur Hon Ge Keh Jin Ko AMJID Naye Manazir Ki Chah Ho Gi..
Main Un K Chehray Ko Dekhta Hon, Main Un K Chehray Ko Dekhta Tha..

Tajir

us ki ankhein bala ki tajir hain
jis ko daikhein khareed leti hain..

Main Muqtal Main Bhi Qismat Ka Sikandar Nikla

Mein muqtal mein bhi qismat ka sakandar nikla...
Qura-e-faal mere naam ka aksar nikla...


Tha jinhein za-am woh darya bhi mujhe mein doobey...
Mein k sehra nazar aata tha samandar nikla...

Mein ne us jaan-e-baharaan ko buhat yaad kiya...
Jab koi phool meri shaakh-e-hunar se nikla...

Shehar walon ki muhabbat ka mein qail hoon magar...
Mein ne jis haath ko chooma wohi khanjar nikla...

Tu yahin haar gaya tha merey buzdil dushman
Mujh se tanha k muqabl,tera lashkar nikla...

Main k sehra-e-muhabbat ka musafir tha faraz
aik jhunka tha k khushbu k safar per nikla..

MÄÏn TÖ MÖhÄßßÄt HÖÖn

Main To Mohabbat Hoon!
Main baarish ki barasti boond nahee
Jo baras ker tham jaati hay
Main khwab nahee
Jisey dekha aur bhula diya
Main shama nahee
Jisey phoonka aur bujha diya
Main hawa ka jhonka nahee
Jo aaya aur guzar gaya
Main chand bhi nahee
Jo raat k baad dhal jaye
Main to woh ahsaas hoon
Jo tujh main lahoo ban ker gardish karay
Main to woh rang hoon
Jo teray dil pay charay to kabhi na mitay
Main woh geet hoon
Jo teray labon se juda na hoga
Khwab,ibaarat,hawa ki tarah
Chand,boond,shama ki tarah
Meray mitnay ka sawaal nahee
Kyunkay MÄÏN TÖ MÖHÄßßÄT HÖÖN
Aur Mohabbat Ko Zawaal Nahee....!!!!