“Khawabon Mein Tera Qareeb Hona — Naseeb Ki Tamanna”

 Raat Bhar Khawab Bohat Ajeeb Dekhta Hun

Mera Naseeb K Tujh Ko Qareeb Dekhta Hun

Mujh Ko Chor Beech Bhanwar Pardais Jane Wale

Bin Tere Khud Ko Behad Ghareeb Dekhta Hun

Barhaye Hain Tu Ne Logon Se Jo Mail-O-Marasam

Har Dusre Shakhs Ko Apna Raqeeb Dekhta Hun

Taskheer Kar Rakha Hai Jo Chaah Ne Mujh Ko

Pagal Ho Gaya Hun Khud Ko Shareef Dekhta Hun

Badla Hai Jo Yoon Sanam Ne Andaaz-E-Bayan

Soya Hua Main Apna Naseeb Dekhta Hun

Jab Se Khola Hai Raaz Apni Ulfat Ka Paaris

Zamany Ko Khamkha Apna Hareef Dekhta Hun…