Mohabbat Aur Kahani

Tumhein kaise bataein hum..
Mohabbat aur kahan i mein koi rishta nahi hota..!
Kahani mein to hum wapas bhi aatey hain
Mohabbat mein palatney ka koi rasta nahi hota..!
Kahan mein to kai kirdar hum khud farz kertey hain
Mohabbat mein koi kirdar bhi farzi nahi hota
Kahani ko kai kirdar mil jul ker kahin agey barhatey hain
Mohabbat apne kirdaroon ko khud agey barhati hai
Kahan mein to kai kirdar zinda hi nahi rehtey
Mohabbat apne kirdaroon ko merne hi nahi deti...
Kahani ke safer mein manzaron ki gard urti hai
Mohabbat ki musafat musafiron ko bikharne hi nahi deti
Tumhein kaise bataein hum...
Mohabbat aur kahani mein ko rishta nahi hota..
Mohabbat ek shajar hai...
aur us shajar ko is se kya matlab
ke us ke saye mein jo bhi thaka hara musafir aa ke baitha hai
ab us ki nasal kya hai rang kesa hai...
Kahan se aaya hai kis dais jana hai..
Shajar ka kam to bas chaon dena dhoop sehna hai...
Tumhein kaise bataein hum...
Mohabbat aur kahani mein koi rishta nahi hota..
Kahani mein to hum wapas bhi atey hain..
 Mohabbat mein palatney ka koi rasta nahi hota...!!!