Ek Chand Tanha Khara Raha
Merey aasmaan se zara pary,
Merey saath saath saffar mei tha
Merii manzilloon sey zara pary,
Terii justujuu ke hisaar sey
Terey khwaab terey khayal sey,
Maii wo shakhs thaa jo khara raha
Terii chaahatoon sey zara pary,
Kabhi dil kii baat kahi na thi
Jo kahi to wo bhi dabee dabee,
Merey lafz poorey to they magar
Teri samaa'toon sey zara pary,
Tuu chalaa gaya merey hamsafar
Zara daikh murr ke to eik nazar,
Meri kashtiyan hain jali hui
Terey saahilon sey zara pary
No comments:
Post a Comment