Wasta husn se ya shiddat-e-jazbat se kia?
ishq ko tere qabelay ya meri zaat se kia?
meri masrouf tabiyat bhe kahan rook saki
wo tu yaad aata hai usko mere din raat se kia?
piyas daikhon ya karoun fikar k ghar kacha hai
soch main hon k mera rishta hai barsat se kia?
jis ko khadsha ho k mar jaen gain judai se wo
sochiye usko kise or k halaat se kia?
aaj usay fikr k kia log kahen ge "Hammad"
kal jo kehta tha mujhe rasm-o-riwayaat se kia?
No comments:
Post a Comment