Udasi kay ufaq per jab teri yaad kay
jugnoo chmanktay hain
To meri rooh per hijar ka rkha hoa pathar
Chamakti baraf ki soorat pighlta hai
Agarcha yun pighlnay sey
yeh pathar sangreza to nhi banta
Magr ek hosla sa dil ko hota hai
Kay jaisay sar basar
Tareek shab main bhi
Agar ek zard ro sehma hoa tara nikal aye
To qatil raat ka bey isam jadoo toot'ta hai
Musafir kay safar ka rasta to kam nahi hota
Magr taray ki chilman say
Koi bhoola hoa manzar achanak jagmagata hai
Sulagtay paon main ek aabla sa phoot jata hai
No comments:
Post a Comment