Ye Nazm Bhi Meri Hai...

Mujhe Har Roz Kehti Hai

Batao Kuch Naya Likha?

Mai Jab Bhi Us se Kehta Hun

K Mainey Ek Nazm Likhi Hai

Mager Unwaan Dena Abhi Baqi Hai

Bohat Betaab Ho jati Hai

Woh Kehti Hai Sunao Tum

Usay Unwaan Mai Doon gi

Woh Meri Nazm Sunti Hai

Usay Unwaan Deti Hai

Or

Us K Akhri Misrey K Niche

Apne Naam Likhti Hai

Mai Kehta Hun

Janaa

Ye Nazm Meri Hai

Woh Kehti Hai Bht Saada Sa Rishta Hai

K Jis Terhan Tum Mere Ho..

Usi Terha Ye Nazm Bhi Meri Hai...